هقولك علي شوية اخطاء وقعت فيها واتمني انت كمان متوقعش فيها لو شغال في صناعة ال software في مصر ١- أقل مرتب في مصر في المجال ده لو انت fresh او junior بيكون من ٤ ل ٤.٥ الف جنية مصري اقل من كدا متشتغلش ال iOS من ٥ الاف 8 الأف = Cyber security 4 الأف = Software tester 5 الأف = Cross platform ودي اقل مرتبات في الشركات المحترمة وتعمل حسابك كل سنة بتقعدها في الشركة بتطلب زيادة لمرتبك من ١٥:٢٥ ٪ من قيمته الاساسية ٢- لو هتمضي عقد مع شركة متمضيش علي شرط جزائي علي تركك للشركة ، أمضي علي شرط جزائي علي عدم تسريبك للأكواد اللي اتكتبت في الشركة لكن اي فلوس انت تدفعها لا ٣- لو مضيت عقد لازم تقرأه كويس وتتأكد من حقوقك فيه زي ما هيكون فيه الواجبات اللي عليك ، يعني اجزاتك و التأمين الصحي وكل الكلام ده ٤- مفيش حاجه اسمها انت ابن الشركة ، سيبك من الكلام ده انت لو ابن الشركة هيديك نسبة من الارباح وهتتحمل معاه جزء من الخساير غير كدا انت موظف في الشركة ٥ - لو مرتبك مش عجبك اطلب زيادة ولو اترفضت امشي من الشركة لكن متشتغلش بنص مجهود وتقول علي قد فلوسكوا ، لا انت بتعامل ربنا و وافقت علي المرتب ده ٦ - لو مستواك مش بيزيد في الشركة أمشي ٧ - لو الشركة مش بتعملك بأحترام أمشي ٨- لم مش مرتاح نفسيا في الشركة أمشي ٩- لو الشركة بعيده عن بيتك ولو لاقي بديل مناسب وفي نفس الوقت هتستفيد منه ومش هيأثر عليك يبقي أمشي برضو منقول عن Mohamed Arafa
