زي ماوعدناكم اننا نكمل الجزء التاني من الهندسة الاجتماعية الي هو الهندسة الاجتماعية باستخدام الحاسب الالى لمتابعة الجزء الأول من موضوع الهندسة الأجتماعية أضغط هنا (Computer Based Social Engineering ) والنوع دة بيتكون من مجموعة من الانواع والاساليب كالتالي: 1.POP UP Window في النوع ده بتظهر نافذة بشكل مفاجىء بتطلب من المستخدم وهو بيتصفح الانترنت انه يعمل تسجيل دخول لحسابة او يطلب من معلومات أخرى 2.Hoax Letter في النوع ده بيجي للمستخدم تحذير وهمي بيدعي وجود برامج خبيثة لجهازة ويعرض اصلاحها 3.Chain letter في النوع ده بيجي ايميل يعرض هدايا مجانية من نوعية ربح مبلغ مالي وجوايز بشرط اعادة ارسال الايميل لمجموعة اخري من الناس 4.Spam Email في النوع ده بيتم ارسال مجموعة كبيرة من الايميلات الغير مرغوب فيها بهدف الاصابة ببرامج خبيثة او جمع معلومات 5.Phishing في النوع ده المهاجم بيبعت ايميل بيدعي فيه انه شركة او مؤتمر او بنك معين ويكون في لينك مذيف من خلالة يتم جمع معلومات او بيانات كمثال رسالة من بنك تدعي وجود سحب شرطة تحديث البيانات من خلال اللينك المذيف والنوع ده ليه انواع عديدة اشهرها التالى : Spear Phishing في النوع ده بيتم استهاف فئة او مجموعة معينة من الناس يجمعهم رابط واحد كمثال العاملين فى مجال معين Whaling في النوع ده بيتم استهداف الاشخاص في مستوي القيادة او في مجالس الادارات او اصحاب القرار Pharming في النوع ده بيتم تحويل المستخدم لموقع مذيف بدل الموقع الحقيقي عن طريق برنامج خبيث او عن طريق تغيير في اعدادات DNS
