جوجل مش مجرد محرك بحث وخلاص . تعالوا نعرف مع بعض أكتر عن جوجل Google google scholar وده الباحث العلمي الخاص بجوجل، تقريبا عليه كل الأوراق البحثية اللي اتنشرت للكوكب كله منذ بدء الخليقة وفي كل المجالات بيكون آداة مهمة جدا للي للباحثين وطلبة الماجستير والدكتوراة ..الخ. google mail or Gmail وتقريبا مبقاش ينفع تكون مستخدم للتكنولوجيا ومعندكش Gmail .. بل إن في شركات ممكن ترفض حد مقدم على شغل لو الميل بتاعه مش جوجل، باعتبار جوجل أكتر حاجة بروفيشنال. google docs وده أحد تطبيقات جوجل اللي بيتيح للمستخدم انه يكتب ويحتفظ بأكبر قدر من المستندات ، بل إنه كمان بقى بيديك خيارات لشكل المستند متنسق جاهز، زي التقرير العلمي، أو الريبورت، أو استبيانات..الخ. google drive جوجل درايف هي خدمة تخزين بمساحات كبيرة جدا، أصدرتها جوجل امتداد لتطبيق جوجل دوكس، عشان تحتفظ بالملفات أيا كان شكلها بمساحة غير محدودة. google classroom ودي خدمة مجانية من جوجل هدفها تبسيط المشاركة ونقل الملفات ما بين الطلبة والمعلمين. google maps تقريبا محدش معاه موبايل اندرويد مبيستخدمش google maps عشان يدور على الأماكن ف أي مكان فالعالم. google analytics ودي خدمة من جوجل بتستخدم شوية فالتسويق، بحيث ممكن من خلالها تتعقب وتحلل قد ايه وامتى الناس بتنجذب للمحتوى بتاعك، لو عندك قناة تسويقية أو موقع على سبيل المثال. google adsense وده تطبيق من جوجل بيسمح لأصحاب المواقع بوضع اعلانات مكتوبة أو مصورة على مواقعهم، واللي يعتبر من أهم خدمات جوجل فالتسويق الشبكي، عشان الاعلانات دي قد تمثل رأس مال الشركات والمواقع حرفيا. Google translation برنامج الترجمة من جوجل لترجمة النصوص والمواقع. Google global market finder بتساعدك تقدر تعرف اكتر عن السوق، عشان لو عندك Business بتاعك تقدر تعرف ازاى ممكن ينجح فى السوق. Google keyword planners لو انت بتعمل مثلا Campaign ومحتاج تعرف Keywords معينه هتساعدك تظهر فى البحث بشكل افضل. و ممكن تستخدمها كمان فى الBudget Google photos و دى تقدر من خلالها انك تعمل View او Share او Edit لصورك. و بتستخدم لAndroid & IOS. Google trends دى خدمه بتساعدك تعرف ايه اكتر حاجه بيتعمل عليها Search على Google. Write with your voice و دى تقدروا تعرفوا عنها اكتر من خلال البحث. Google travel بتدخل اسم المدينة وبيطلعلك كل الاماكن السياحيه اللي في المدينه وممكن يعمل Plan للايام واماكن تزورها في الايام دي وبيطلع الHotels والطيران. Google sheets زى الExcel بس ابسط شوية. Google slides زى الPowerpoint بس مميز انه موجود Online معاك فى اى وقت عشان تعدل فيه. Google draw بيساعدك ترسم Charts و Diagrams بسهوله Google assistant اتكلم معاه وخليه يساعدك تتصل بحد او تعمل Search عن حاجة عن طريق أمر صوتي او حتى تخليه يقولك نكتة او يتعرف على موسيقى شغالة جنبك ف اي مكان ويجيبلك اسمها ومعلومات عنها و كان متاح استخدامه باللغة الانجليزية لكن دلوقتي أتاحوه بالعربية بس محتاج تطوير شوية. Google calendar بعيدا عن انه calendar هو بيظهرلك الاحداث الهامة الموجودة ف كل يوم وانت تقدر تضيف الplans وأي schedule خاص بيك وتقدر تعمل Alerting للحدث او الموعد اللي حطيته و كمان ممكن تربطه بالGmail بتاعك وتضيف كمان اي حد تاني سواء هيشوف بس المواعيد او هيعدل هو كمان.
